Newsletter 34. [Spring 2008] now available
Update to Donegal Occupier's Liability Case
Cé Muidne?
Is é Keep Ireland Open an t-aon eagraíocht dheonach náisiúnta a bhfuil feachtas ar siúl acu ag lorg rochtain réasúnta ar an tuath in Éirinn do lucht úsáidte na tuaithe mar chaitheamh aimsire.
Táimid ag lorg bealaí achtaithe dlithiúla, le comharthaí soiléire orthu, go háirithe ar thalamh íseal maraon le saor-chead siúil ar thailte airde agus i gceantair iargúlta. Tá feachtas freisin againn i gcoinne fál sreinge dealgach, atá gránna agus a choscann rochtain agus atá forleathan, go háirithe in iarthair na tíre.
Bunaíodh Keep Ireland Open sa bhliain 1994. Faoi láthair tá líon mór baill, idir dhaoine aonaracha atá imníoch faoi na cúrsaí seo agus grúpaí áitiúla, chomh maith le heagraíochtaí náisiúnta ar suim leo an timpeallacht agus an saol amuigh faoin spéir. Ina measc tá: Cumann Clubanna Marcaíochta na hÉireann
Gasóga Caitliceacha na hÉireann
Cónaidhm Cumainn Staire Áitiúla
Cumann Faoileoireachta Crochta agus Parafaoileoireacht na hÉireann
Club Fánaithe na hÉireann
Nasc Tuaithe na hÉireann
Iontaobhas Fiadhúlra na hÉireann
An Óige
Cumann Gasóga na hÉireann
Aontas Uaimheolaíochta na hÉireann
Cumann na bhFeirmeoirí Aontaithe
Mar a fheicfidh tú sna leathnaigh seo a leanas is beag cearta rochtain ar an tuath atá ag lucht úsáidte na tuaithe mar chaitheamh aimsire. Is trí dhian-iarrachtaí leanúnacha tacaíocht a lorg agus feachtais a chur ar siúl gur féidir an scéal seo a athrú. Tá súil againn go mbreathnóidh tú ar na leathanaigh seo agus ansin go mbeartóidh tú cur leis an obair. Ná fág faoi dhuine éigin eile í.
An bhfuil fadhb ann i ndáiríre maidir le rochtain ar an tuath?
Seans go gceapann tú nach gá go mbeadh cearta dlithiúla againn fad is gur féidir linn dul ag siúl faoin tuath. Ceart go leor, ach is í an fhírinne go bhfuilimid go tapa ag cailliúint pé cearta neamhfhoirmiúla a bhí againn rochtain ar ár dtuath féin. Níl sé seo chomh soiléir i gCill Mhantáin ná in oirthear na tíre i gcoitinne. Agus mar a tharlaíonn is iad seo na ceantair ina bhfuil an líon is mó siúlóirí agus ina bhféadfadh cúis dlisteanach gearáin a bheith ag úinéirí talún. Is san iarthar atá na fadhbanna is mó, ceantar ina bhfuil an líon is lú siúlóirí. Is sa cheantar seo freisin is mó a d'fhéadfaí siúl na gcnoc agus caithimh aimsire eile amuigh faoin aer a fhorbairt do thurasóirí. Seo cúplasampla de cuid de na fadhbanna a bhaineann le rochtain ar an tuath:
* Níl cead a thuilleadh ag turasóirí lae ná ag siúlóirí fánacha Seancheann Chionn tSáile a shiúl, "scámhóg" thraidisiúnta ó timpeall 1870 do an-chuid daoine ó cheantar Chorcaí.
* Níl cead a thuilleadh ag siúlóirí cnoc cuairt a thabhairt ar chodanna áirithe de raonta sléibhte ar nós cheantar Binn Ghulbain i Sligeach, Na Beanna Beola i gConamara, sléibhte Uíbh Ráthaigh nó áiteanna i gCorca Dhuibhne i gCiarraí, nó ar leithinis Bhéara nó sna Cumaraigh.
* Nil cead ag seandálaithe cuairt a thabhairt ar thuamaí meigiliteacha tábhachtacha ar nós An Chairn Bháin i gContae na hIarmhí.
* Táthar tar éis cosán isteach go Loch Deán i gCill Mhantáin a bhlocáil, cosán álainn a bhí in úsáid ag glúnta spaisteoirí agus siulóirí cnoc.
* Táthar tar éis dhá chosán i nGleann Crí a bhí in úsáid leis na cianta a bhlocáil, agus murach mhuintir na háite, a bhí sásta an cás a thabhairt chun na hArd Cúirte, bheadh siad caillte go deo.
* Fiú na tránna níl siad slán ó bhaol: tá Trá Ogúil, gar do Chathair na Mart, blocáilte ón mbliain 1989 agus níl tada déanta ag an údarás áitiúil faoi. Fágadh faoi mhuintir na háite agus Keep Ireland Open aird a thabhairt ar an bhfadhb seo.
If you would like to inform us of any problems in your area please email us at info@keepirelandopen.org
leathanach baile | aidhmeanna KIO | abhair aighnis | polasaithe | rol agus cur cuige | nuachtlitir | claru mar bhall | litreacha | dean teagmhail linnt